Språk

 

Finnmárkku girjerádju

Finnmárkku girjerádju hálddaša fylkka báikkálaš čoakkáldaga masa gullet govat, priváhtaarkiivvat, girjjit ja eará girjerádjomateriálat.  

Finnmárkku girjerádjosis lea vejolaš viežžat ollu dieđuid ja oažžut erenoamáš  vásáhusaid Finnmárkku girjjálašvuođa, kultuvrralaš, geografiija ja historjjálaš  máŋgga lágan gaskkustanvugiid bokte, nugo girjjiid, jietnagirjjiid, áigečállagiid, aviissaid, mikrofilmmaid, kárttaid, musihka ja filmmaid bokte, gihppagiid rájes nákkosgirjjiid rádjai, ja čáppagirjjálašvuođa ja fágagirjjálašvuođa šáŋŋeriin.

Dáppe gávdnojit maid girjjit Davvikalohta ja Barentsregiovnna birra. Eanaš girjjiid luoikat, muhto boarráset ja erenoamáš árvosaš girjjiid luoikamiid lea dárbu gáržžidit.   

Fina galledeamen min girjerádjosis Čáhcesullos dahje fina geahččamin min neahttasiidduid.