Språk

 

Girjeráju ovdáneapmi

Finnmárkku fylkkagirjerádjosis lea ovddasvástádus ovddidit ja bagadit ollislaš girjerádjosuorggi fylkkas.  Mii vuoruhat gelbbolašvuođa- ja bálvalusovddideaddji doaimmaid  mat addet ođđa báikkálaš čovdosiid ja buoret girjerádjogeavada fylkkas.

Deháleamos doaimmat:

·         Ovddidit girjeráju bargiid gelbbolašvuođa ja girjerájuid kurssaid, čoahkkimiid ja doaimmaid bokte

·         Ovddidit fierpmádagaid, ásahit oktavuođaid ja ovttasbarggu girjerájuid gaskka ja ovddidit ođđa ovttasbargovugiid

·         Čalmmustahttit fylkka girjerájuid

·         Doaibmat resursan girjerájuide ja gielddaide girjerádjogažaldagaid oktavuođas

Girjeráju lea dárbu ovdánahttit diehtojuohkin- ja máhttoservodaga johtilis rievdadusaid geažil. Dat bidjet stuora gáibádusaid girjeráju bálvalusaide ja gelbbolašvuhtii. Finnmárkku girjeráju ovdánahttinulbmil lea ahte fylkka girjerájut galget šaddat guovdilis ovddideaddjin oahppo-, kultur- ja  máhtolašvuođasuorggis. Gelbbolašvuođalokten, gaskkusteapmi, oktasaščovdosat ja beagginbargu leat dán barggus čoavddasánit.  Mis lea vejolaš čuovvolit girjerájuid vejolašvuođaid ja oalgguhit ovdáneapmái ja čovdosiidda mat heivejit Finnmárkui ođđa prošeavttaid ja ođđa čovdosiid bokte ja go deaivat girjerádjosiid ja gielddaid doppe gos dat leat.