Språk

 

Girjjálašvuođagaskkusteapmi

 

Fylkkagirjerádjosa doaibma lea gaskkustit girjjálašvuođa buot Finnmárkku ássiide.

Dán doaimma oktavuođas leat mis ollu doaibmabijut ja doaimmat jođus:

  • Koordineret girječálliid galledemiid ja girječálliidgierdomátkkit fylkkas
  • Veahkehit álbmotgirjerájuid ovddidit girjjálašvuođa gaskkustandoaimmaid, eará doaimmaid ja gelbbolašvuođa fágasuorggi siskkobealde  
  • Koordineret Finnmárkku Kultuvrralaš skuvlalávkka (KS) girjjálašvuođa vuođđoskuvlafálaldagaid
  • Koordineret, sisaoastit ja čalmmustahttit e-girjjiid fylkkas
  • Girjegihpuid luoikkaheapmi
  • Lágidit ja gaskkustit johttičájáhusaid
  • Koordineret “Ohcci ohcá girjji” ja “Girji buohkaide” fylkkas
  • Finnmárkku riikkaidgaskasaš girjjálašvuođafestivála

Girjjálašvuođagaskkusteami sáhttá čilget dáinna lágiin ahte gávdnat rivttes girjji rivttes olbmui rivttes áigái. Finnmárkku girjerádjosat gaskkustit girjjiid beaivválaččat. Dat sáhttet leat girjefálaldagat borddi badjel, muhto maiddái válljejuvvon girječájáhusat dihto fáttáid birra ja girjelohkanbottut. Ulbmil lea “hállat girjjiid hilduin eret”, addit buriid girjjálašvuođavásáhusaid ja bagadallamiid daid ollu girjjiid birra mat gávdnojit girjerádjosiin.

Fylkkagirjerádjosa deháleamos girjjálašvuođagaskkustan vuoruheapmi lea Finnmárkku riikkaidgaskasaš girjjálašvuođafestivála mii lágiduvvo juohke nuppi jagi. Finnmárkku ássit besset dalle deaivat ja vásihit davviguovlluid, sámi, kvena ja davvi-norgalaš girječálliid ovttas norgga ja internationála dovddus girječálliid.