Språk

 

Priváhtaarkiiva

Finnmárkku fylkkagirjerádjosis leat sullii 200 iešguđetlágan priváhtaarkiivva, oktiibuot su. 100 hildomehtera vuorkká maid lea ožžon eaktodáhtolaš organisašuvnnain, fitnodagain ja priváhtaolbmuin. Daid lea vejolaš ohcat nationála Arkiivaportálas.

Finnmárkku fylkkagirjerájus lea fylkkaovddasvástideaddji  ásahus priváhtaarkiivvaid  ektui Finnmárkkus. Riikaantikvára lea fápmudan ovddasvástádusa, man fárus čuvvot fylkkaviidosaš  koordineren-,   bagadallan- ja fierpmádathuksendoaimmat.  

Mis lea hui lagas ovttasbargu eará ásahusaiguin mat vurkkodit Finnmárkku priváhtaarkiivvaid. Lea maid ásahuvvon fágalaš fierpmádat, Finnmárku-arkiivvat, ja sii eaiggádit oktiibuot sullii 1000 iešguhtetlágan priváhtaarkiivva. Ollislaš dieđuid dan birra gávnnat Finnmárku-giissás.   

Mii vástidat gažaldagaid mat gusket arkiivvaide, buktimiidda ja movt arkiivvaid galggašii vurket. Mii áinnas vuostáiváldit eanet priváhtaarkiivvaid. Jos háliidat buktit arkiivva, de váldde minguin oktavuođa.