Språk

 

Priváhtaarkiivaid guvllolaš suodjalanplána lea mearriduvvon

Kultuvrra, álbmotdearvvašvuođa ja johtalusa váldolávdegoddi lea mearridan Finnmárkku priváhtaarkiivvaid suodjalanplána áigodahkii 2017-2027.

Ulbmil plánain lea fuolahit ahte priváhtaarkiivat sierranas dehálaš ja áidnalunddot servodatsurggiin seailluhuvvojit ja lágiduvvojit olbmuid olámuddui boahttevaš áigái.

Plánain lea áigumuš fuomášuhttit ahte leat máŋga servodatsuorggi main eai leat seailluhuvvon primára ja autenttalaš gáldut. Vuođđogeađgefitnodagaid ja guovdilis organisašuvnnaid arkiivvat deattuhuvvojit leat dehálažžan, ja ulbmil lea fuolahit ahte erenoamážit dát leat doarvái ovddastuvvon priváhtaarkiivvain.

Plána válddahallá áŋgiruššansurggiid ulbmillaš čohkkema ja seailluheami várás, ja čielggada ovdamearkka dihtii gažaldagaid mat gusket arkiivamagasiinnaide mat leat láhkaásahusa mielde, arkiivvaid lágideapmái geavaheami várás ja gelbbolašvuođa huksemii fylkkas. Plána evttoha doaibmabijuid Finnmárkku arkiváraid ovddideami várás.

Plána lea leamaš gulaskuddamis, ja seailluhanásahusat ja arkivárat leat ožžon vejolašvuođa buktit oaiviliiddiset.

Finnmárkku priváhtaarkiivvaid suodjalanplána lea ráhkaduvvon dán guovtti dokumeantta vuođul: Regionála doaibmaprográmma bibliotehkaovddideami várás áigodahkii 2017-2020 ja Riikkaantikvára strategiija priváhtaarkiivvaid várás áigodahkii 2015-2020.

Eanet dieđuid mearrádusa birra gávnnat Finnmárkku fylkkagieldda politihkalaš siidduin.

Deaddil ja stuora govva ihtáGovven: Hannele Fors/ Finnmárkku fylkkagielda